سمع ثقيـــــــــــــــل !!

░▒▓█ ░▒▓█ سمع ثقيـــــــــــــــل █▓▒░█▓▒░

تخيلوا لو اثنين سمعهم ثقيل وتكلموا مع بعض!! .إيه اللي ممكن يحصل؟ تعالوا نشوف اثنين من دول، واقفين على محطة البـاص ودار بينهم الحوار هذا

♫

♫

الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ...قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ...ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟

الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزي

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد

يمر شاويش من بتوعنا ... يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين ا لأتوبيس

الشاويش :! نهاركم مش فايت .... جواسيس !!! قدامي على القسم

♫

♫

إن شاء الله قد تكون نالت إعجابكم هذه النكتة ...لكم مني فائق معاني الاحترام أخوتي

دمتم سالمين .

أخوكم محمد cold fox.

أشرقت صفحتي بحضور قلمك فيها أخي العزيز "" Admin ""

إن شاء لا حرمنا من طلتك البهية سيدي .

إحترامي !!

أخوك محمد Cold fox .

سمع ثقيـــــــــــــــل !!

سمع ثقيـــــــــــــــل !!

رد: سمع ثقيـــــــــــــــل !!